Blog: http://laly-cry.ilcannocchiale.it

 Vin crinto

 

1) Helena: Cossa sarìa sto vivare                                                    
              se el crinto no ghe fusse?
              un cumulo de russe,
              na perla svalutà.

 

2) Marta: Invesse on dono magico
              ne ga fornìo natura:
              col fredo o con l’arsura
              ristoro la ne da.

 

3) Helena: El vin compagna intrepida
              la nostra vita intiera:
              che mai no vegna sera
              se nol se ga gustà

 

4) Marta:   L’aiuta ben a cressare
              l’è el late dei alpini,
             sangue dei contadini,
              forsa del murador.

 

5) Helena: Chi un tenpo xè stà zovane
               adesso se consola
             bagnandose la gola
             con un goto de quel bon.


6) Marta: El vin l’è el pì infalibile
              rimedio a tuti i mali:
              no serve li ospedali
              a chi lo sappia usar.

 

7) Helena: D’inverno con la brosema,
             du goti de bon crinto
             e ‘l fredo vien respinto
             e nol tormenta pì;

 

8) Marta: d’istà, col caldo sòfega
            e a stento se respira,
           roversa via la bira
           e serca el crinto san.

 

9) Helena: Cavà dal frigorifero,
            o fresco al naturale,
            l’è sempre madornale,
            al pari del brulè.

 

10) Marta: Resta par mi la càneva
           El posto prediletto:
           ghe metarìa anca el leto
           par vivar sempre là.

 

11) Helena : Oh, fortunà chel Diogene
            Che ga abità na bote :
            altro che dirghe tote!
            filosofo l’è sta.

 

12) Marta: Vedòi, tinassi, cànole,
           bóte, fiaschetti, lore
           le ghe darìa splendore
           anca al salon dei re

 

13) Helena: E quando el vin ghe mormora
             Vien profumà la stansa:
             pi morbida fragransa
             al mondo no ghe xè.

 

14) Marta:  E lora profitémoghe
           fin che la vita dura:
           de meio la natura
           no ga savesto dar ;

 

15) Helena: e femo un grande brindisi
           coi nostri goti pieni,
           par vivere sereni
           par mile ani ancor
.

             
       Marta&Helena    03/03/2007

Grazie1000 per quello che avete fatto per l' Helena!!!

                                                                Con Affetto


                                                                PAOLO

Pubblicato il 8/3/2007 alle 15.4 nella rubrica Diario.

Il Cannocchiale, il mondo visto dal web